Марий Элым вуйлатыше Беларусь республике дене вашкыл сферым кумдаҥдаш шона

Марий Элым вуйлатыше Беларусь республике дене вашкыл сферым кумдаҥдаш шона
               Марий Элым вуйлатыше Беларусь республике дене вашкыл сферым кумдаҥдаш шона. Уфаште Федераций Советым вуйлатыше Валентина Матвиенко ден Беларусь Республикын Калыкле Погынымашын Республике Советын председательже Наталья Кочанова кок элын регионлаштым вуйлатыше- влак дене вашлиймашым эртареныт. Вашлиймаште Марий Элым вуйлатыше Юрий Зайцев лийын. Наталья Кочанова палемден: кодшо ийын кок элын регионласе кучемыштын да бизнесын еҥышт  100 утла пайдале визитым ыштеныт, 450 утла тӱрлӧ документым пеҥгыдемденыт, Российысе 70 утла регион Белоруссий дене правительстве кокласе кылым кучат. Марий Эл ден Беларусь коклаште шукертак торгово-экономик, шанче да технике, тӱвыра да гуманитар аланыште, ял озанлыкыште, транспортышто , илыме вер да коммунал озанлыкыште вашкылым ыштыме. Тудым кумдаҥдымаш экономикым вияҥдаш, кочкыш сату лӱдыкшыдымылыкым, тӱвыра да шанче вашкылым, импортым алмашташ промышленностьым вияҥдымашлан полшаш тӱҥалеш,- каласен Юрий Зайцев.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски