Марий Эл ден Беларусь Республике икте-весе коклаште сатум утларак ужалаш да туризмым вияҥдаш шонат

Марий Эл ден Беларусь Республике икте-весе коклаште сатум утларак ужалаш да туризмым вияҥдаш шонат
            Марий Эл ден Беларусь Республике икте-весе коклаште сатум утларак ужалаш да туризмым вияҥдаш шонат. Теҥгече Марий Элым вуйлатыше Юрий Зайцев Уфаште Россий да Беларусьын регионжо- влакын луымшо форумышт кышкарыште Беларусьын Российыште Чрезвычайный да Полномочный Посолжо Дмитрий Крутой дене вашлийын. Нуно торгово-экономик кылым вияҥдыме нерген мутланеныт. Юрий Зайцев палемден: Марий Эл ден Беларусь коклаште внешнеторговый оборот кодшо ийын 41 миллион долларыш шуын, тушкак регион гыч экспорт 28 наре миллион долларыш шуын. Марий Элысе предприятий- влак оборудованийым, электрический машинам, шем металл гыч изделийым колта. Белоруссий гыч республикыш механический устройствым, парфюмерийым, косметик средствым кондат. Марий Элым вуйлатыше ешарен: вашла сатум утларак колтылаш кумылан, туризм аланыште кылым кумдаҥдаш, транспортым да ял озанлык техникым налаш шона. 2021-ше 2022-шо ийлаште ял озанлык пашаеҥ- влак 70 утла технике ден оборудованийым налыныт, ӱлыш кӱваран троллейбусым кондымо. Белорус техникым умбакыжат налаш шонена, оҥай экскурсий маршрут- влакым да сай сервисым темлена. Мучашлан Юрий Зайцев Дмитрий Крутойым улшо кылым пеҥгыдемдаш да пайдале вашкылым кумдаҥдаш Марий Элыш толаш ӱжын.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски