Йошкар-Олаште эрла, икымше июльышто, боевой действий- влакын ветераныштын кечыжым палемдат
Йошкар-Олаште эрла, икымше июльышто, боевой действий- влакын ветераныштын кечыжым палемдат. Шарнымашан кечым Республикым вуйлатыше Юрий Зайцевын Указше дене пеҥгыдемдыме. Решенийым 1945-ше ий деч вара СССР, Россий, моло кугыжаныш кундемлаште боевой дествийлаште лийше республикысе калыкын подвигше нерген шарнымашым арален кодаш манын лукмо. Мероприятий 9 шагатат 30 минутлан Курымашлык батальонын Сеҥымаш Парк деч Воин Чап монумент воктеке Сеҥымаш бульвар мучко таҥошкылмаш дене тӱналеш. Лу шагатлан верласе сарлаште вуйым пыштыше воин- влаклан Стеле воктене ӱжмӧ почётан уа- влак дене торжественный меропиятий тӱҥалеш. Тиде жапыштак паркын рӱдӧ аллейыштыже стрелковый сар куралым ончыктышо выставке пашам ышта. Лу шагатат 45 минутлан «Шочмо эл, Чап, Йӧратымаш нерген» концерт тӱҥалеш. 11 шагатат 45 минутлан виш эстрадыште кумылан- влак салтак пучымышым тамлен кертыт. 16 гыч 18 шагат марте оркестр почеш каныме кас лиеш. Олан историй тоштержын Воин Чап пӧлкаштыже лу шагат гыч Виш омса кече тӱҥалеш, 11 шагатат 30 минутлан кадет- влак Афганистанысе сарын участникше А.Питателев дене вашлийыт. Шарнымашан кече 20 шагатат 30 минутлан «Офицеры» фильмым ончыктымаш дене мучашлалтеш. Тудым паркын виш эртарадыштыже ончыктат.
Фото: Йошкар-Ола администраций.
Фото: Йошкар-Ола администраций.
