Мер калыкын тыршымыж дене ыштыме проект- влакым каҥашеныт
Курык марий районышто Яков Эшпай лӱмеш калык тӱвыра рӱдерыште район администрацийым вуйлатышын алмаштышыже калык тӱҥалтышлан полшышо толкынын районысо форумжым эртарен. Тушто район администрацийым вуйлатыше, амалкалче- влак, мер калык, тӧнежлан пашаеҥышт да вуйлатышышт лийыныт. Калыкын тӱҥалтышыже ял илемлам да районым вияҥдымаште ик эн тӱҥ факторлан шотлалтеш. Курык марий районышто тыгай сомылым ятыр ыштыме. Мутлан, калыкын темлымыж почеш, Акпарслан чапкӱм шогалтыме, Йоласалыште еш пиал паркым ыштыме, хоккей коробка- влакым чоҥымо. Тыгак Йоласал школышто кӱсле классым почаш, Афган сарыште вуйым пыштыше- влаклан стелым шогалташ шонымаш уло. Нине проектым калык полшымо дене гына ышташ лиеш,- палемдыме погынымаште. Погынышо- влак социал кӱлешан проектлам шыҥдарыме опыт нерген каласкаленыт. Мутлан, Парнингаш ялыште йоча площадкым ыштыме, Кожважыште Сеҥымашлан 70 ий темме лӱмеш паркым уэмдаш палемдыме. Форумышто тыгак пеҥгыде шӱк-куштырам шупшыктымо нерген йодышым каҥашыме.
