«Юбилейный» микрорайонышто школым чоҥымо пашам уэш тӱҥалыныт
Йошкар-Оласе «Юбилейный» микрорайонышто школым чоҥымо пашам уэш тӱҥалыныт. Калык фронтын йодмыжлан Чоҥымаш министерствыште объектым тений августышто сдатлаш шонымо нерген вашештеныт. Кызыт подрядчик технологий почеш йӱштӧ годым ышташ лийше паша- влакым шукта. Пашан куэе кайымыжым терген шогена, у школым жапыштыже ыштен шуктышт манын вийым пыштена,- каласеныт Калык фронтышто. Тидымат палемденыт: кужун чоҥалтше эше кок объектым контрольышто кучат- тиде Шернур посёлкышто ФОК-ым чоҥымашым да Медведево посёлкышто чоҥен шуктыдымо циркым. Тудыжым сымыктыш школыш савырат.
Фото: Марий Элысе калык фронт.
Фото: Марий Элысе калык фронт.
