Медведево ипподромышто Регион- влак кокласе кӱкшытан «Йошка Еш» кумшо гастрономий фестиваль эртен

Медведево ипподромышто Регион- влак кокласе кӱкшытан «Йошка Еш» кумшо гастрономий фестиваль эртен
            Кодшо каныш кечылаште Медведево ипподромышто Регион- влак кокласе кӱкшытан «Йошка Еш» кумшо гастрономий фестиваль эртен. Республикым вуйлатыше Юрий Зайцев фестивальын участникше- влакым саламлен. Географий кумдаҥеш. Мемнан деке 12 регион гыч 50 наре повар толын. Икымше гана Мурманск, Камчатка, Карелий, Якутий, Дагестан да Хакасий гыч мастар- влак толаш кумылаҥыныт,- палемден республикым вуйлатыше. Фестивальын унаже- влак Марий Эл, Башкортостан, Коми, Удмуртийын тӱп калыкше- влакын сийыштым тамлен кертыныт. Мероприятийын ойыртемже семын тидым палемдыман кочкышым ямдылаш верласе продуктым гына кучылтынт. Гастрономий деч посна программыште мастар класс- влак, йоча- шамычлан мероприятий, артист- влакын, музыкалный этно-фолк группылан выступленыйшт, спорт модмаш да шуко молат лийын, туризм йодыш дене йыргешке ӱстел- влак эртеныт, «Россий калык- влак ассамблейын» площадкыже пашам ыштен.
             Гастрофестивальын сеҥышыже- влакым рашемдыме. Икымше верым Удмуртий гыч «Перепечкин» бренд сеҥен налын. Кокымшо вер «Дагестан лавка» проектлан логалын. Кумшо верым «Хакасий- путешествие со вкусом» проектлан пуымо.
            «Йошка Еш» гастрономий фестивальыште тӱнямбал  рекордымат шындыме. «Шокшо эҥер» трактир ден Йошкар-Ола шылкомбинат тӱняште эн кугу порций подкогылым ямдыленыт. Кугу деч кугу салмаште тӱжемат шӱдӧ латик подкогылым шолтеныт. Тудым ышташ мероприятийын ушаже- влакат, палыме шеф-повар Илья Лазерсонат полшеныт. Рекордым сертификатыште  фиксироватленыт. А тудым чыла уналан тамлен ончаш темленыт.
         Фото: «Шокшо эҥер» тарктир.

Прошлые выпуски