Медведево районын ончерже почылтын

Медведево районын ончерже почылтын
Теҥгече «Благовещений башня» тӱвыра- выставке рӱдерыште «Марий Элын поликультурный картыже» проект кышкарыште Медведево районын ончерже почылтын. Тиде ынде кандашымше тыгай кугу ончер. Тудым почмаште тӱвыра министр Константин Иванов, Медведево муниципал образованийым вуйлатыше Денис Окулов, тӱвыра пӧлкам вуйлатыше Татьяна Швецова да тӱвыра тӧнежлан пашаеҥышт, уна-влак лийыныт. Медведево район экономик, тӱвыра, туныктымо да турист паша дене ойыртемалтеш. Тиде районын ончер-визиткыже Республикын 100 ияш лӱмгечыже вашеш тӱшка тоштер экспозицийым ыштымашын ик ужашыжлан шотлалтеш. Ончерыште районысо промышленностьын чыла отрасльжым ончыктымо, турист объект- влак нерген уверым пуртымо. Икманаш, районым тӱрлӧ велымат авалтыме.

Прошлые выпуски