Коми ден Марий Элысе тӱвыра пашаеҥ- влак вашкыл нерген кутырен келшеныт

Коми ден Марий Элысе тӱвыра пашаеҥ- влак вашкыл нерген кутырен келшеныт
Кодшо шуматкечын Сыктывкар олаште Марий тӱвыра кече эртыш. Коми да Марий Элын тӱвыра пашаеҥже- влак вашкыл шотышто планым ыштеныт. Посна проект- влакым палемденыт. Финн-угор аланыште тӱвыра кылым вияҥдыме йодышым йыргешке ӱстел коклаште каҥашыме. Темлымаш- влакат йоҥгеныт. Теве Тошто Крешын ялысе ремесло пӧртым вуйлатыше Виталий Кудрявцев мастар кидан- влакын пырля проектыштым да тӱрлӧ кундемласе мастар- влакын ыштыме финн-угор тагына пушын коллекцийжым чумыраш темлен. Финн-угор этнокультурный паркын директоржо Елена Иванова тӱрлӧ фестивальлашке усталык коллектив- влакым вашла ӱжаш, выставке- влакым ышташ да Сыктывкар гыч Йошкар-Олаш автобус турым почаш темлен. Коми республикысе калык усталык да квалификацийым нӧлтымӧ  рӱдер Марий Элыш визитым ямдыла да ойыртемалтше материал- влакым погымо шотышто опыт дене палыме лияш шона. Сысоль районын историй да тӱвыра тоштержым вуйлатышын мутшо почеш, октябрь мучашыште тудо этнографий образец почеш уэш ыштыме костюм- влакым ончыкташ луктеш. Икманаш вашлиймаш пайдале лийын.

Прошлые выпуски