Тенийсе 9 тылзе жапыште республикыштына автобус- влак дене 229 корно туткар лийын

Тенийсе 9 тылзе жапыште республикыштына автобус- влак дене 229 корно туткар лийын
ГИБДД виктемын ончыктымыж почеш тенийсе 9 тылзе жапыште республикыштына автобус- влак дене 229 корно происшествий лийын. Тушечын шукыжым- 179-ым Йошкар-Олаште палемдыме. Нунын кокла гыч 163-шо ваш тӱкнымаш, 23-шо шогышо машинаш миен керылтмаш, 19 гана салонышто пассажир камвозын, куд гана йолешкым, кок гана велосипедистым тӱкеныт, ныл гана чаракыш миен тӱкненыт, ик гана корно гыч чоҥештеныт. 49 ДТП-ште кок еҥ колен да 74 еҥ эмганен. Автобусым вӱдышӧ- влакын титакыштлан кӧра 25 ДТП лийын. Тушто 34 еҥ эмганен. Вич автобус тӱрлӧ пудыргымаш дене корныш лектын.
             Кодшо кугарня гыч рушарня марте ГИБДД пашаеҥ- влак республикысе корнылаште руль воктеке йӱшӧ вуя шичше- влакым тергеныт. «Йӱшӧ водитель» мероприятий радамыште кум кечыште кугыжаныш автоинспекцийын пашаеҥже- влак 17 подылшо водительым кученыт. Тыгай мероприятий- влак корно гыч йӱшӧ водитель- влакым кораҥдаш манын эртаралтеш.

Прошлые выпуски