Марий Элым вуйлатыше СВО-н участникше Алексей Пуртов дене вашлийын

Марий Элым вуйлатыше СВО-н участникше Алексей Пуртов дене вашлийын
               Марий Элым вуйлатыше СВО-н участникше, отпускыш толшо Алексей Пуртов дене вашлийын. Тудо лӱмын эртарыме операцийым эртарыме кундемыште - икымше кечыла гычак. Лӱддымылыкым ончыктымылан кок гана «За боевые отличия» медаль дене палемдалтын, Суворов медальым, Мужество орденым, «За Отвагу» медальым кучыктымо. Юрий Зайцев  Алексейлан достойный службыжлан, пеҥгыдылыкшылан, лӱддымылыкшылан да Шочмо эллан ӱшанле улмыжлан таум каласен. Тыгак передовойышто мо кӱлеш, мо ок сите, гуманитар конвой- влак миен шуыт мо манын йодыштын.
               Республикысе калыклан, мыламат мемнан рвезе- влакын поддержкым шижмышт путырак кӱлешан. Нунылан гуманитар полыш тыглай кочкыш, кӱлешан вургем, оборудований гына огыл. Тендан посылкыда- влак боец-шамычлан кугурак значениян улыт- нуным мӧҥгыштӧ вучымым, ӱшанымым да нунын дене кугешнымым пеҥгыдемден ончыктымаш.- палемден республикым вуйлатыше.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски