Медведевыште у поликлиникым чоҥымо йодышым каҥашеныт
Тазалыкаралтыш министерствыште Медведевыште у поликлиникым чоҥымо йодышым каҥашеныт. Районысо рӱдӧ эмлыме верыш паша дене Правительстве вуйлатышын икымше алмаштышыже Наталья Ошланова, тазалыкаралтыш министр Владимир Гладнев, министрын алмаштышыже Ангелина Ушакова миеныт. Нуно реанимацийым, операций блокым, стационарын терапевт да хирургий пӧлкажым, приёмный покойым, поликлиникым онченыт. Паша радамыште у поликлиникым чоҥымо да сутка мучко ыштыше стационарым олмыктымо йодышым каҥашыме. Тиддеч посна Медведево ЦРБ-н подразделенийже- Оршанке район эмлыме верыште шокшо вӱдым пуашлан котельныйым чоҥымо йодышым нӧлталме.
Фото: Тазалыкаралтыш министерстве.
Фото: Тазалыкаралтыш министерстве.
