Марий Элын рӱдӧ олаштыже кумшо гана «Дуатлоша» таҥасымаш эртен
Марий Элын рӱдӧ олаштыже кумшо гана «Дуатлоша» таҥасымаш эртен. Республикын триатлон федерацийже школ ийготыш шудымо- влаклан тыгай таҥасымашым эртара. Йоча- влак ондак куржыт, вара самокат, беговел але велосипед дене кудалыт, вара адак куржыт. Икымше гана тыгай таҥасымаш кодшо ийын сентябрьыште лийын. Тений организатор- влак олан тӱрлӧ паркыштыже вич йыжыҥым эртараш шонат. Икымшыже майыште Ната Бабушкинан скверыште лийын. Июньышто кокымшыжо Воскресенский паркыште погынен. 5 гыч 7 ияш марте 130 йоча таҥасыме кужытым эртен, шарнымашан медаль ден дипломым налын. Вес таҥасымаш июльышто лиеш. Ушештарена: Петербургысо экономик форумышто Марий Эл Правительстве дене Россий триатлон федераций коклаште ойпидышым кылдыме. Тудо физкультура ден спортым, йоча триатлоным вияҥдаш виктаралтын. А «Дуатлоша» таҥасымаш йоча- влакым лач триатлон дене кылым кучаш ямдыла.
Фото: Михаил Винокуров.
Фото: Михаил Винокуров.
