Икымше июльышто Боевой действийын ветеранже- влакын кечыштлан пӧлеклалтше шарнымашан мероприятий- влак лийыт

Икымше июльышто Боевой действийын ветеранже- влакын кечыштлан пӧлеклалтше шарнымашан мероприятий- влак лийыт
           Икымше июльышто Рӱдӧ олаштына Боевой действийын ветеранже- влакын кечыштлан пӧлеклалтше шарнымашан мероприятий- влак лийыт. Тиде воин чап да элнан интересшым сар-курал дене аралыше- влаклан пагаымашым ончыктымо кече. Тений шарнымашан мероприятийлаште лӱмын эртарыме сар операцийын ветеранже- влак, нунын ешышт участвоватлат. Программе 9 шагатлан Туруново шӱгарлаште Герой- влакын аллейыштышт пеледышым пыштымаш дене тӱналеш. Тушто ветеран, юнармеец, кучем органын да мер организацийлан еҥышт лийыт.
            10 шагатат пелылан Благовещений кафедрал соборышто молебен эрта. Туддеч вара Курымашлык тул деке ыресым нумалын ошкылмаш лиеш. Верласе сарлаште вуйым пыштыше- влаклан стела воктене торжественный ужаш эрта.
            12 шагатлан Сеҥымашын 30-шо идалыкше лӱмеш тӱвыра полат ончылно тӱжвал кухньо пашам тӱналеш. Полатын фойешытже Марий Элыште шочшо- влакын подвигыштлан пӧлеклалтше ончер пашам ышта. Экспозиций 18 шагат марте почмо лиеш.
            Тиде кечынак «Эссен» ужалкалыме рӱдерын площадкыштыже «Нуно Шочмо эл верч кредалыныт» ончер торжественно почылтеш. Ушештарена: Марий Элым вуйлатыше Юрий Зайцевын 2023-шо ий 12-шо июньысо Указше дене Боевой действийлан ветеранже- влакын Кечыштлан кугыжаныш пайрем статусым пуымо. Икымше июльышто тудо ондакт палемдалтын, но тыглай пайрем семын.
             Фото vk.com/fondzo12

Прошлые выпуски