Федерал трассылан тӱржӧ гыч 82 кубометр шӱк-куштырам поген налме

Федерал трассылан тӱржӧ гыч 82 кубометр шӱк-куштырам поген налме
            Республикына гоч шуйнышо федерал трассылан тӱржӧ гыч 82 кубометр шӱк-куштырам поген налме. Тыге корно пашазе- влак федерал корнылам шошо-кеҥеж жаплан ямдылат. «Волго-Вятскуправтодор» виктем ӱмбалне улшо корнылаште ойырышо полоса, корно тӱр, тайыл, каныме площадкылам эрыктат. Кече еда тиде пашам 12 корно пашазе ден вич технике шуктат. Тачысе кечылан автомобиль корнылан ужашлаже гыч 82 кубометр шӱкшакым поген налме. Корнызо- влак тыгак корно палым, катафотым, барьер да тӱр саварым, увер щитлам мушкыт, автобус чарталтышым, йолешке вончемлам, кугу йӱк деч аралыше экраным эрыктат, движенийым виктарыше технический средстве- влакым тӧрлат. Корно пашазе- влак дене пырля корно воктелсе сервисым пуышо  оза- влакат пашашке ушнат, шке объектыштым уэмдат, парковко, пурымо, лекме верлам тӱзландарат. Шокшо толмеке подряд организаций- влак разметкым, корно элемент- влакым чиялташ тӱналыт.
             Фото: «Волго-Вятскуправтодор» ФКУ

Прошлые выпуски