Аграрий- влак марте кугыжаныш полыш оксам кӱчык жапыште намиен шуктыман

Аграрий- влак марте кугыжаныш полыш оксам кӱчык жапыште намиен шуктыман
              Марий Элым вуйлатыше аграрий- влак марте кугыжаныш полыш оксам кӱчык жапыште намиен шукташ задачым шынден. Шошо-ага паша тургым тений кок арнялан ондакырак тӱҥалын. Республикын ял озанлык министерствыже икымше апрельлан шотлымаште тӱшка кугыт гыч кугыжаныш полышын 30 утла процентшым, «компенсироватлыше субсидийым» 57 процентым, «кумылаҥдыше субсидийым» 65 процентым намиен шуктен. Тиде паша умбакыже чолган шукталтеш. Таче кечылан  поген налме да ужалыме пырчылан 47 миллион теҥге кугыжаныш полышым аграрий- влак деке шукташ задаче шога. Республикым вуйлатыше Юрий Зайцев палемден: ойырымо оксам вашкерак адресатшылан шукташ кӱлеш. Молан манаш гын, ӱдымӧ тургымым эртарыме жап деч ял озанлык культурын лектышыжат шогаш тӱҥалеш.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски