Тӱням вашталтыше 108 минут
Тӱням вашталтыше 108 минут: Юрий Гагарин сандалык эпохылан тӱналтышым пуэн. Сандалыкыште икымше еҥ - тиде мемнан айдеме. Таче Российыште Космонавтике кече палемдалтеш Тиде кечын 1961-ше ий 12-шо апрельыште айдемым шындыман «Восток-1» космический корабль мландым йырым- йыр чоҥештен савырнен. Тиде чоҥештыме 108 минут Юрий Гагариным легендыш савырен. Чоҥешытымаш 180-230 меҥге кӱкшытыштӧ эртен да мланде воктелсе орбитыште айдемын лийын кертмыжым тергаш эртаралтын. Тыгай легенде коштеш, пуйто икымше кандидатше Герман Титов лийын. Но Хрущёв тудым запасыш кораҥден- лӱмжӧ келшен огыл. Шукерте огыл сар лийын. Могай тушто Герман да монь? Кандидат- влаклан посна йодмаш лийын: 30 ияш марте, капше 170 сантиметр деч кӱкшӧ лийшаш огыл, нелытше 68 килограмм марте, а тазалыкше ик йодышымат лукшаш огыл.
Таче Йошкар-Олаште Юрий Гагаринын бюстшо воктеке торжественно пеледыш аршашым пыштыме. 1961-ше ийыште ыштыме подвиг деч посна айдеме тукымын телевиденийже, раш игече прогнозшо, геолокаций системыже ок лий ыле. Торжественный мероприятийыште Правительстве председательын икымше алмаштышыже Михаил Васютин, «Йошкар-Ола» ола округым вуйлатыше Виктор Кузнецов, мэр Евгений Маслов, тӱвыра пашаеҥ- влак, ветеран да мер организацийлан еҥышт, оласе калык лийыныт
Фото: Йошкар-Ола администраций.
Таче Йошкар-Олаште Юрий Гагаринын бюстшо воктеке торжественно пеледыш аршашым пыштыме. 1961-ше ийыште ыштыме подвиг деч посна айдеме тукымын телевиденийже, раш игече прогнозшо, геолокаций системыже ок лий ыле. Торжественный мероприятийыште Правительстве председательын икымше алмаштышыже Михаил Васютин, «Йошкар-Ола» ола округым вуйлатыше Виктор Кузнецов, мэр Евгений Маслов, тӱвыра пашаеҥ- влак, ветеран да мер организацийлан еҥышт, оласе калык лийыныт
Фото: Йошкар-Ола администраций.
