Морко районым вуйлатышылан Александр Голубковым сайленыт
Морко районым вуйлатышылан Александр Голубковым сайленыт. Теҥгече Морко районысо депутат- влак погынымашын черетдыме кумшо сессийже лийын. Тудын пашаштыже Кугыжаныш Погыным вуйлатыше Михаил Васютин, Правительстве вуйлатышын икымше алмаштышыже Евгений Курмаев, кӧргӧ политике, верысе самоуправленийым вияҥдымаш да юстиций министр Антон Мирбадалев, Кугыжаныш Погынын депутатше Наталья Пушкина ден Эдуард Иманаев, ола да ял илем администрацийлам вуйлатыше- шамыч лийыныт. Погынышо- влак район администрацийым вуйлатышым палемдыме нерген йодышым онченыт. Тиде должностьыш кок еҥ ӱшаным кучен: кызыт администрацийым вуйлатышын пашажым шуктышо Александр Голубков ден Октябрьский ял администрацийым вуйлатыше Артур Микша. Погынышо- влак ик йӱк дене Александр Голубковым администрацийым вуйлатышылан шогалташ йӱкленыт.
Фото: Морко район депутат- влак Погынымаш.
Фото: Морко район депутат- влак Погынымаш.
