Марий Самырык театрым пужен ыштыме пашам 90 процентлан шуктымо
Марий Самырык театрым пужен ыштыме пашам 90 процентлан шуктымо. Тиде паша «Тӱвыра» калыкле проект почеш шукталтеш. Сомылым тений декабрьыште мучашлаш палемдыме. Правительстве вуйлатышын алмаштышыже- тӱвыра министр Константин Иванов пашан кузе кайымыжым терген лектын. Кызыт отделка паша кая, тӱзландарыме чыла сомылым шуктымо, инженер коммуникацийым пыштыме, тул ваштареш аралалтме устройствым вераҥдыме, мебельым да оборудованийым наледат. Ончмо зал капитально олмыкталтеш, йӱк да свет оборудований монтироватлалтеш. Пужен ыштыме деч вара тӱшка кумдыкшо кок пачаш утла кугемеш да лу тӱжем квадрат метрыш лишемеш. У проект почеш эше изи зал, икымняр гримёр пӧлем, декорацийым, реквизитым, вургемым аралыме ешартыш кумдык- влак лийшаш улыт.
Фото: Йошкар-Ола администраций.
Фото: Йошкар-Ола администраций.
