Таче шкенжын 75 ияш чапле лӱмгечыжым лӱмлӧ прозаик, писатель, журналист Маргарита Ушакова палемда
Таче шкенжын 75 ияш чапле лӱмгечыжым лӱмлӧ прозаик, писатель, журналист, Волжский район кундемын шочшыжо Маргарита Ушакова палемда. Тудын 68 произведенийже савыкталтын, кокытшо- пьесе. Шым сборникым савыктен луктын, визытше марий йылме дене лектын. Тидыт оҥай: тудын икымше специальностьшо- токарь-универсал, Свердлов областьысе Серов оласе заводыштат пашам ыштен. А 30 ияш Марий университетыш тунемаш пурен. «Авамын куэже» икымше ойлымашыжым 1977-ше ийыште «Ончыко» журналыш колтен да налын огытыл, тӧрлаш колтеныт, 16 гана уэш пачаш возен. А 1993-шо ийыште тыгаяк лӱман икымше книгаже савыкталтын. Тыге тудо чыла нелылыкым сеҥен, ончыко кая да у пашаже- влак дене куандара. Таче тудым марий сылнымутын «бриллиантше» маныт. Теве тудын у книгажлан презентацийым да Лӱмгечыжлан пӧлеклалтше сылнысем да сылнымут касым Марий книга савыктыш Чавайн лӱмеш калыкле книгагудышто 28-ше ноябрьыште 15 шагатлан эртара.
Фото: Маргарита Ушакован альбомжо.
Фото: Маргарита Ушакован альбомжо.
