Морко районышто Кугу Ачамланде сарын воинже- влаклан мемориалым почыныт

Морко районышто Кугу Ачамланде сарын воинже- влаклан мемориалым почыныт
          Морко районышто Кугу Ачамланде сарын воинже- влаклан мемориалым почыныт. Красностекловар интернат-пӧртыштӧ шарныме да ойганыме кечын Кугу Сарын участникше- влаклан пӧлеклалтше чапкӱм почмо. Тиде церемонийыште паша да социал аралтыш министр Елена Таникова лийын. Мрамор плитам посна амалкалче пуэн, кермычым- республикысе ик завод. А чапкӱм ямдылыме да вераҥдыме пашам интернат пӧртын пашаеҥже- влак чыла шке тӱҥ паша деч яра жапыште  шуктеныт. Тидыже профессисонализмын, историйым пагалымашын да аклымашын чын примерже.
            Елена  Таникова ойлышыжла палемден: тыгай проект- влак социал пашан шке умылымашыжымак вашталтат. Чапкӱ- тиде лишыл еҥ- влаклан вуйым саваш, сортам чӱкташ, пеледышым пышташ йӧрышӧ вер,- каласен министр. Интернатыште илыше ятыр еҥлан сар шке ойго семынат шижалтеш. Кудыжо шучко ийлам йоча жап семын шарна, южыжын фронтеш родо-тукымышт йомын. Ынде Красный Стекловарыште илыше- влакын герой-землякыштлан вуйым савыме посна верышт уло,- палемдат социал аралтыш министерствыште.
         Фото: Паша да социал аралтыш министерстве.

Прошлые выпуски