Йошкар-Олаште Водопроводный уремыште айныктарыме верым чоҥат

Йошкар-Олаште Водопроводный уремыште айныктарыме верым чоҥат
                Йошкар-Олаште Водопроводный уремыште айныктарыме верым чоҥат. Кызыт модулян вытрезвительлан площадкым ямдылат. Зданийын кумдыкшо 170 квадрат метрым айла. Тудо иканаште 16 еҥым вераҥден кертеш. Пашам ыштыше- влак 15-ытын лийыт. Айныктарыме вер Водопроводный уремыште Республикысе клинический эмлыме вер воктене лиеш. Кӧргыштыжӧ кӱлешан вер- влак лийыт: вуйлатышын да эн ончыч ончымо кабинет- влак, оролышо пункт да жаплан лийме ныл пӧлем, санитар комнате да полышкалыше пӧлем- влак. Кӧргыштат, тӱжвалнат видеокомера- влак лийыт.
               Системе кузе пашам ышта? Еҥым уремыште нимат ыштен кертдымым муыныт гын, верышке полиций ден вашке полыш мият. Эмлыме верыш наҥгаяш ок кӱл гын, медик- влак тудым полицийлан айныктарыме верыш наҥгаяш кучыктат. Клиентым шӧрлымешкыже посна пӧлемыш вераҥдат. Нимогай штрафым тӱлыктымаш да паша верыш увертарымаш палемдалтын огыл Тӧнжыште лиймаш еҥлан лӱдыкшыдымым ыштыме полыш семын аклалтеш,- умылтара мэрий.
           Фото: Йошкар-Ола мэрий.

Прошлые выпуски