Марий Элыште эн сай агроном лӱмым Андрей Данилов сеҥен налын
Марий Элыште эн сай агроном лӱмым Андрей Данилов сеҥен налын. «Профессий шот дене эн сай» конкурсын регионысо йыжыҥжым иктешлыме. Таҥасымаш кугарнян лийын. Эн сай лӱм верч вич агроном кучедалын. Иктешлыме почеш сеҥышыш Андрей Данилов лектын. Тудо 20 ий ял озанлыкыште тырша. Участник- влак шке шинчымашыштым ончыктеныт да моштымашыштым практикыште тергеныт. Тидлан нуно урлыкашым таҥастарен онченыт, пырчыште уто ӧрдыж куштыран процентшым шотленыт, шыдаҥын вредительжым рашемденыт,- увертара ял озанлык министерстве. Конкурсышто сеҥыше тӱҥ призым- 150 тӱжем теҥгелан сертификатым налеш да республикын чапшым июльышто Саранскыште федерал финалыште арала.
Фото: Ял озанлык да кочкыш сату министерстве.
Фото: Ял озанлык да кочкыш сату министерстве.
