Марий Элым вуйлатыше триатлон дене Российын чемпионатыштыже сеҥыше- влакым саламлен
Марий Элым вуйлатыше триатлон дене Российын чемпионатыштыже «Триатлон-спринт дисциплиныште сеҥыше- влакым саламлен. Йошкар-Олаште триатлонын фестивальже эртен. Тудын ик эн кӱлешан мероприятийже семын триатлон-спринт дисциплиныште чемпионат лийын. Кугу таҥасымашыште 12 субъект гыч спортсмен- влак участвоватленыт. Тиде Моско ден Санкт-Петербург, Краснодар край, Волгоград, Моско, Угарман, Пенза, Ростов, Саратов, Свердлов областьла, Чуваший ден Татарстан гыч. Погынышо- влакым Марий Элым вуйлатыше Юрий Зайцев саламлен. Ӱдыр- влак коклаште икымше верым Моско гыч Яна Ченская, кокымшым Санкт-Петербург гыч Софья Тихонова, кумшым Моско гыч Полина Попова сеҥен налыныт. Рвезе- влак коклаште Моско спортсмен- влак сеҥышыш лектыныт: Григорий Антипов, Семён Кашицын, Михаил Бастраков. Триатлон фестиваль кышкарыште Чемпионат деч посна «Триатлонын лигыже. Йоча-шамыч» россий кӱкшытан тӱшка физкультура мероприятий лийын. Тудо 300 утла еҥым поген. Тыгак любитель- влак коклаште триатлон дене «Красный город» республике кӱкшытан таҥасымаш эртен.
Фото: Денис Речкин.
Фото: Денис Речкин.
