«Наставничество и поиск» слётышто Российысе 32 субъект гыч кычалше отряд- влакын 120 еҥышт вашлийыныт
Йошкар-Олаште регион- влак кокласе кӱкшытан «Наставничество и поиск» слётышто Российысе 32 субъект гыч кычалше отряд- влакын 120 еҥышт вашлийыныт. Марий Элыште слёт кумшо гана эртаралтеш. Мероприятийым Ачамландым аралыме годым вуйым пыштыше влакым шарнымашеш кодымо шотышто «Российын кычалше толкынжо» Россий кӱкшытан мер толкын ден Марий Эл Правительство ямдыленыт.
Ӱжмӧ уна- влак коклаште Кугыжаныш Думын паша, социал политике да ветеран- влакын пашашт шотышто комитетым вуйлатышын икымше алмаштышыже, «Российын курымашлык полкшо» толкынын рӱдӧ штабшын сопредседательже, «Российын кычалше толкынжо» Россий кӱкшытан мер толкынын ответственный секретарьже Елена Цунаева, Россий Президент пеленысе калык кокласе кыл шотышто Совет комиссийын еҥже, «Историй шарнымаш» фондын директоржо Александр Дюков лийыныт.
Марий Элым вуйлатыше Юрий Зайцевын лӱмжӧ дене слетыш погынышо- влакым Правительстве вуйлатышын алмаштышыже, тӱвыра министр Константин Иванов саламлен. Мемнан республикын кычалше толкыным вияҥдыме шке историйже уло. Мемнан кум ушем пашам ышта. 30 ий наре пашам ыштыме жапыште кычалше- влак ятыр экспедицийым эртареныт. Тиде жапыште кок тӱжем утла салтакын лулегыжым уэш тоеныт, кум тӱжем наре еҥын пӱрымашыжым рашемденыт. Чаманаш логалеш шуко йоча, уныка, кугезе уныка- влак шке геройыштын пӱрымашышт нерген кызытат огыт пале. Кычалше- влакын шуктымо пашашт- тиде элна верч вуйым пыштыше воин- влакым шарнымаш, совет салтакын патырлыкше нерген пален налаш да у тукымлан каласкалаш йӧн,- каласен Юрий Зайцевын саламлымашыже гыч Константин Иванов.
Слётын программыже кышкарыште историй шарнымашым арален кодымо шотышто законодательствым саемдыме дене кылдалтше, историйым пужен очныктымо ваштареш шогымо, самырык- влакым патриотизм шӱлышеш шуарыме йодыш- влакым каҥашымаш, Марий университетын кычалме толкынжын тоштерышкыже, «Ачамландым аралыше- влак» тоштерыш мийымаш улыт.
Фото: Марий Элым вуйлатышын администрацийжын увер дене пашам ыштыше пӧлкаже.
Ӱжмӧ уна- влак коклаште Кугыжаныш Думын паша, социал политике да ветеран- влакын пашашт шотышто комитетым вуйлатышын икымше алмаштышыже, «Российын курымашлык полкшо» толкынын рӱдӧ штабшын сопредседательже, «Российын кычалше толкынжо» Россий кӱкшытан мер толкынын ответственный секретарьже Елена Цунаева, Россий Президент пеленысе калык кокласе кыл шотышто Совет комиссийын еҥже, «Историй шарнымаш» фондын директоржо Александр Дюков лийыныт.
Марий Элым вуйлатыше Юрий Зайцевын лӱмжӧ дене слетыш погынышо- влакым Правительстве вуйлатышын алмаштышыже, тӱвыра министр Константин Иванов саламлен. Мемнан республикын кычалше толкыным вияҥдыме шке историйже уло. Мемнан кум ушем пашам ышта. 30 ий наре пашам ыштыме жапыште кычалше- влак ятыр экспедицийым эртареныт. Тиде жапыште кок тӱжем утла салтакын лулегыжым уэш тоеныт, кум тӱжем наре еҥын пӱрымашыжым рашемденыт. Чаманаш логалеш шуко йоча, уныка, кугезе уныка- влак шке геройыштын пӱрымашышт нерген кызытат огыт пале. Кычалше- влакын шуктымо пашашт- тиде элна верч вуйым пыштыше воин- влакым шарнымаш, совет салтакын патырлыкше нерген пален налаш да у тукымлан каласкалаш йӧн,- каласен Юрий Зайцевын саламлымашыже гыч Константин Иванов.
Слётын программыже кышкарыште историй шарнымашым арален кодымо шотышто законодательствым саемдыме дене кылдалтше, историйым пужен очныктымо ваштареш шогымо, самырык- влакым патриотизм шӱлышеш шуарыме йодыш- влакым каҥашымаш, Марий университетын кычалме толкынжын тоштерышкыже, «Ачамландым аралыше- влак» тоштерыш мийымаш улыт.
Фото: Марий Элым вуйлатышын администрацийжын увер дене пашам ыштыше пӧлкаже.
