Килемар районышто верысе сонарзе коллектив- влак коклаште сонарзе биатлон эртен
Килемар районышто верысе сонарзе коллектив- влак коклаште сонарзе биатлон эртен. Сеҥышыш лекшаш верч 15 команде кучедалын. Таҥасымаш кум йыжыҥ дене эртен. Эн ончыч участник- влак ече дене 500 метрым куржын эртеныт, вара 25 метр гыч мишеньыш лӱйкаленыт. Тиддеч поснак сонарзе- влак 50 метр гыч пирым ончыктыман мишеньыш лӱйкаленыт. Вара пытартыш йыжыҥыште спортсмен- влак 100 метр кужытышто флажок- влакым шындылаш кӱлеш ыле. Тыге пӱсын ӱчашымаш деч вара шӧртньӧ медальым «Актаюж» сонарзе коллектив сеҥен налын. Ший награде «Куплонгалан» логалын, той медальым «Бригада Ух» налын. Икымше верым налше участник- влаклан куснылшо кубокым кучыктымо. А шушаш шуматкечын, 7-ше мартыште, Медведево районысо Песчаный карьер кундемыште Республике кӱкшытан сонарзе биатлон лиеш. Тушко 32 команде толшаш. Таҥасымашым почмаш 10 шагатат 30 минутлан тӱналеш.
