Ола ден яллаште школ- влак чулымын чоҥалтыт

Ола ден яллаште школ- влак чулымын чоҥалтыт
              Марий Элыште ола ден яллаште школ- влак чулымын чоҥалтыт але пужен ышталтыт. Посна тӱткыш Йошкар-Олаште вияҥ толшо микрорайон- влаклан ойыралтеш. Тушто школ ден йоча сад- влак илыме пӧртла воктенак лийшаш улыт.
              9-ше А микрорайонышто подряд организаций у школын леведышыжым ышташ тӱналын. Объект «Самырык тукым да йоча- влак» калыкле проект да партийын калык программыже кышкарыште чоҥалтеш. Школым шушаш ийын икымше сентябрьлан почшаш улыт.
              Тиддеч посна тений эше 6-ша А микрорайонышто у школым чоҥаш тӱналме. Тений идалык мучаш марте «Канде кайык» гимназийын у корпусшым чоҥен шукташ шонат. Тушто пашам 2021-ше ийыштак тӱҥалме. Но подрядчиклан кӧра пашам ик жаплан чарен шогалтыме ыле. Кызыт пашам уэш тӱналме.
              Килемар округысо Кугу Памъялыштат школ ден школ деч ончычсо группылан объект уларак ямде улмо кӱкшытыш шуын. Тудым сдатлыме жапым ик гана веле огыл кусарыме. Пашам тений шыжым мучашлаш шонат.
              Тыгак Волжск оласе 6-шо номеран школым чоҥымаш посна контрольышто улеш. Подрядчикым палемдыме. Пашам тиде арнян тӱҥалшаш улыт. Проектым шыҥдараш кӱлеш оксан ужашыжым ойырымо. Школым чоҥымо йодышым республикым вуйлатыше шке контрольыштыжо куча.
               Фото: Социал вот Юрий Зайцев.

Прошлые выпуски