Пӧрткайык- влак кеҥеж переписьлан ямдылалтыт

Пӧрткайык- влак кеҥеж переписьлан ямдылалтыт
             Пӧрткайык- влак кеҥеж переписьлан ямдылалтыт. 8-ше гыч 16-шо август марте Россий мучко пӧрткайык переписьын черетан йыжыҥже эрта. Тидын нерген Российын кайык- влакым аралыме ушем да шулдыран хищник- влакым шымлыме да аралыме Российысе сетьын еҥже Анна Мостовая каласкален. Тиддеч ончыч кайык- влакым телым 7-ше гыч 15-ше февраль марте чотыш налме. Тунам 320 тӱжем утла пӧрткайыкым фиксироватлыме.
            Мостоваян мутшо почеш кеҥежымсе эскерымаш телымсе деч нелырак. Телым нуно кормушко воктене тӱшкан погынат да укшлаште шинчат. Тыге нуным шотлаш куштылгырак. Кеҥежым туштак улыт гынат, кумдык мучко шаланат, шотлаш нуным кычалаш кӱлеш. Август тӱналтышлан шуко пӧрткайын игыже кушкеш. Тыге нуно еш тӱшка дене шке кундемлаштышт коштыт.
              Кеҥеж перепись годым специалист- влак тыгак ойыртемалтше кайык- влакым эскерат: вес тӱрлырак тӱсан, але эсогыл гибрид кайым- влакым ончат. Молан манаш гын, игышт шочмеке кайык чот ешаралтеш, сандене ойыртемымат ужаш лиеш. Шымлымашын эше ик задачыже- пӧрткайыкын олаште шарлымыжым ончымаш. Оласе кумдыкышто нуно игым лукташ погынат мо? Пытартыш ийлаште пӧрткайык- влак ола тӱрым кудалтен каен, олан рӱдыкшкыжо утларак толыт,- палемда Мостовая.
          Фото: МариМедиа.

Прошлые выпуски