Республике гыч ветеринар ден агроном Мордовийыш Россий кӱкшытан таҥасымашке каеныт

Республике гыч ветеринар ден агроном Мордовийыш Россий кӱкшытан таҥасымашке каеныт
               Республике гыч ветеринар ден агроном Мордовийыш Россий кӱкшытан таҥасымашке каеныт. Мордовийыште профессисонал мастарлык шотышто «Профессий дене эн сай» Россий конкурсын федерал йыжыҥже тӱналын. Саранскыште элысе эн сай специалист- влакым тыгай номинацийлаште ойырат: агроном, ветеринар фельдшер да сырым шолтымаште кочкыш промышленностьын технологшо. Федерал йыжыҥыште Марий Элын чапшым ветеринар фельдшер Лидия Никифорова ден агроном Андрей Данилов аралат,- увертара паша министерстве. Лидия Геннадьевна «Ветеринар фельдшер» номинацийыште эн опытан улеш. Тудын тӱшка стажше 41 ийыш погынен. «Агроном» номинацийыште ӱчашыше Андрей Николаевич ял озанлыклан 20 ийым пуэн. Сеҥыше- влакын лӱмышым таче увертарышаш улыт. Финалист- влакым Россий кӱкшытыштӧ аклымаш да профессийыште эн сай статус гына огыл, кугу окса приз- ик миллион теҥге вуча.
           Фото: Мордовий Республикын Правительствыже.

Прошлые выпуски