Пӱкшермыште Ошламбал пайремым палемденыт
Пӱкшермыште тошто марий пайремым- Ошламбал пайремым палемденыт. МарНИИЯЛИ-н шанче пашаеҥже Наталья Мушкина шкенжын верлашке экспедицийжым умбакыже шуя, шымлыме пашалан негызым ышта. Эртыше каныш кечылаште тудо Медведево районысо Пӱкшерме ялыште пашам ыштен. Тушто ожнысек тоштыеҥ- влакым уштымо дене кылдалтше Ошламбал пайремым палемдат. Йӱла семын кечын икымше пелыштыже шӱгарлаш мият. Тошто йӱлам шуктымеке пайремын весела ужашыже тӱҥалеш. Фольклор пӧртыштӧ тиде кечылан пӧлеклалтше концерт лийын. Калык муро дене кылдалтше тӱрлӧ материалым «Весела кумыл» калык ансамбльын хормейстерже Юлия Соломина ямдылен.
Фото: МарНИИЯЛИ.
Фото: МарНИИЯЛИ.
