Пӱртӱс да калыкын тазалыкше теме дене шанче- практик конференций лиеш

              Эрла Чавайн лӱмеш калыкле книгагудышто «Республикыштына йырым- йырысе пӱртӱсын могайрак улмыжо да калыкын тазалыкше» теме дене шанче- практик конференций лиеш. Тушко шанчыеҥ, врач-эпидемиолог, министерстве ден ведомствылан специалистышт, вузлан преподавательышт да мер пашаеҥ- влак лийыт. Программе почеш климатын вашталтмыже пӱртӱс да озанлык пашалан влиянийым ыштымыже, ковид шотышто эпидемиологий ситуаций, ПЦР-ын рольжо, кӧгӧрчен- влакын шаркален кертме чер, «Мӱшылъерын», оласе Пӱнчер ден Тумерын могайрак улмышт нерген доклад- влак лийыт. Мутлан, шанчыеҥ- влак «Морской глаз» ерын куш йоммыжо, пӧртыл кертмыже да моло шымлыме паша нерген каласкалат, ер нерген латик ий жапысе фотосӱрет- влакым чумырымо. Конференций 13 шагатлан тӱҥалеш.
            Фото: Чавайн лӱмеш калыкле книгагудо.

Прошлые выпуски