«Рвезылыкын йӱкшӧ» марий университетын у талантше- влакым почеш
«Рвезылыкын йӱкшӧ» марий университетын у талантше- влакым почеш. Идалык еда Марий университет студент художественный самодеятельностьым йӧратыше- влаклан «Резылыкын йӱкшӧ» фестиваль кышкарыште шке омсажым почеш. Тудо икымше курсыш тунемаш пурышо- влаклан студент илышыште ӱшанле икымше ошкылым ышташ йӧным пуа. Вузын историйыштыже икымше гана фестивальыш Марий Элым вуйлатыше Юрий Зайцев миен. 8-ше конкурс программым историй да филологий факультетын студентше- влак ончыктеныт. Мутат уке, чапле программе, пеш сай,-каласен Марий Элым вуйлатыше. – Тау ӱжмыланда. Кузе тыш логалынам? Мыйын лаштыкышкем толаш ӱжын возеныт ыле. Комментарийыште ешареныт: Тудо ок тол, садак ок луд, лаштыкшым шке ок вӱдӧ. Мый лӱмын тольым да нимынярат ом чамане,- ойлен Юрий Зайцев. Тудо погынышо чыла еҥым шушаш пайрем дене саламлен: тений Марий университет шкенжын 50 ияш лӱмгечыжым палемда.
«Резылыкын йӱкшӧ» 7-ше ноябрьыште тӱҥалын. Кок арня жапыште 13 факультет ден институт шке конкурс программыштым ончыктат. А икымше декабрьыште Сеҥымашын 30-шо идалыкше лӱмеш тӱвыра полатын сценыштыже гала- концертыште иктешлымаш да сеҥыше- влакым саламлымаш лиеш.
Фото: Марий Элым вуйлатышын организаций да аналитик виктемже.
«Резылыкын йӱкшӧ» 7-ше ноябрьыште тӱҥалын. Кок арня жапыште 13 факультет ден институт шке конкурс программыштым ончыктат. А икымше декабрьыште Сеҥымашын 30-шо идалыкше лӱмеш тӱвыра полатын сценыштыже гала- концертыште иктешлымаш да сеҥыше- влакым саламлымаш лиеш.
Фото: Марий Элым вуйлатышын организаций да аналитик виктемже.
