Марий Элыште ир янлыкын корныш чӱчкыдын лекме вер- влакым палемдыме

Марий Элыште ир янлыкын корныш чӱчкыдын лекме вер- влакым палемдыме
             Марий Элыште ир янлыкын корныш чӱчкыдын лекме вер- влакым палемдыме. Республикысе янлык тӱня департаментыште каласкалыме почеш ир янлыкын жап шот дене миграцийышт автомобиль корнын тыгай участкылаже воктене эрта: Озаҥ трактын 16-шо гыч 21-ше, 42-шо гыч 53 меҥгыже марте, «Вятка» корнын 23-30, 40-48, 105-109 меҥгыже гутлаште, «Поветлужье» корнын 248-ше гыч 263-шо, 292-299, 317-320-шо меҥгыштыже, Йошкар-Ола- Уржум корнын 45-49, 77-79-ше меҥге, Кокшайск- Красногорский корнын икымше гыч 28-ше меҥгыже марте ужашлаште. Аварий чӱчкыдын лийме эн лӱдыкшӧ верлан Кокшайск трактысе корно оҥго, Йошкар-Ола йыргорно, Оршанке трактысе Шойбулак деч Ивановка марте корно шотлалтыт. Янлык кола гын, эҥгекым страховой компанийла гоч пӧртылташ лиеш. Пӱртӱс лоҥга гыч ир янлыкым разрешений деч посна налын кайымаш закондымылан шотлалтеш. ДТП лийме годым 112 номерыш йыҥгырташ кӱлеш
           Фото: МариМедиа.

Прошлые выпуски