Пӱтынь марий форумышто «Рвезылык» ансамбль Гран-прим сеҥен налын
Пӱтынь марий форумышто «Рвезылык» ансамбль Гран-прим да 200 тӱжем теҥгем сеҥен налын. Кокымшо пӱтынь марий хореографий форумын иктешлыше ужашыже семын хореограф- влакын конкурсышт лийын. Калык куштымаш дене эн сай лӱм верч Марий Элысе 46 йоча да самырык- влакын коллективышт кучедалын. «Куштымашым ончыктышо. 14-17 ияш» номинацийыште Гран-прим Морко районысо каныш да тӱвыра рӱдерын «Рвезылык» калык куштымаш калык ансамбльже сеҥен налын, вуйлатышыже Александр Якушев. Сеҥыше 200 тӱжем теҥгелан сертификатым налын.
Лауреат лӱм дене палемдалтыныт: Йошкар-Ола гыч «Самоцветы» ансамбль икымше степенян да 150 тӱжем теҥге, Волжск гыч «Ромашки» образцовый ансамбль кокымшо степенян да 120 тӱжем теҥге, Звенигово гыч «Ералаш» коллектив кумшо степенян лауреат да 100 тӱжем теҥге премийым налыныт. Икмыняр ансамбль ден хореограф посна приз дене палемдалтын. Эн сай куштышо коллектив- влак рӱдӧ олаштына Российын кечыжым пайремлымаште участвоватлат.
Фото: Калык усталык рӱдерын ВК лаштыкше.
Лауреат лӱм дене палемдалтыныт: Йошкар-Ола гыч «Самоцветы» ансамбль икымше степенян да 150 тӱжем теҥге, Волжск гыч «Ромашки» образцовый ансамбль кокымшо степенян да 120 тӱжем теҥге, Звенигово гыч «Ералаш» коллектив кумшо степенян лауреат да 100 тӱжем теҥге премийым налыныт. Икмыняр ансамбль ден хореограф посна приз дене палемдалтын. Эн сай куштышо коллектив- влак рӱдӧ олаштына Российын кечыжым пайремлымаште участвоватлат.
Фото: Калык усталык рӱдерын ВК лаштыкше.
