Параньга районысо кок школышто капитально олмыктымо паша мучашыш лишемеш

Параньга районысо кок школышто капитально олмыктымо паша мучашыш лишемеш
             Параньга районысо кок школышто капитально олмыктымо паша мучашыш лишемеш. Пашам «Единый Россий» партийын калык программыже да «Самырык тукым да йоча- влак» калыкле проект кышкарыште шуктат,- каласен туныктыш министр Лариса Ревуцкая тушко миен толмыжо деч вара.
             Лажмарий школышто тӱрысынек инженер инфраструктурым уэмдыме: канализаций да ырыктыме системым вашталтыме, у окнам да видеоэскерыме системым шындыме. Чоҥышо- влак мучаш йыжыҥым тӱналыныт: кӧргӧ отделке пашам пытарат, тул волгыдо да йӱштӧ вӱдым ситарыме системым монтироватлат.
             Усола школышто тыгаяк пашам шуктымо: у окна блок- влакым шындыме, коммуникацийым пыштыме, лӱдыкшыдымылык системым ыштыме. Зданий кӧргыштӧ кабинет пырдыжлам шымартат, электровоштырым шупшыт. Кок школжат интерактив панель дене пойдарыме лиеш, у мебельым налыт, кочмыверлаште у оборудованийым вераҥдат. Тунемме тӧнеж йыр саварым уэмдат.
              Ӱшанем: икымше сентябрь туныктышо да йоча ден ача-аваштлан кугу пайрем лиеш. Йоча- влак уэмдыме классыш гына огыл, волгыдо, кумылым савырыше пӧлемлаш пурат, тунемаш, тыршаш, келшаш кумылышт шочеш,- палемден Лариса Ревуцкая.
           Фото: Туныктыш министерстве.

Прошлые выпуски