Пектубайыште чапле стадионым почмо

У Торъял районышто стадион-площадкым чоҥеныт. «Республикыште физический культура ден спортым  вияҥдымаш» кугыжаныш программе дене келшышын, Пектубай селаште стадион-площадкым чоҥаш кугыжаныш контрактым ыштыме ыле. Июльышто «Советский ПМК» подряд организаций объектыште пашам мучашлен. Стадионышко футбол пасу, тӱрлӧ кужытан да кумдыкан куржталме корно –влак, волейбол да баскетбол площадке- влак, чарак дене куржмо полоса пурат. У стадион-площадке самырык тукымым да ялысе калыкым спорт да физкультура деке утларак кумылаҥдаш йӧным пуа.

Прошлые выпуски