«Пошкит Куп» комплексный пӱртӱс памятникым ыштыме

«Пошкит Куп» пӱртӱс памятникым Марий Элысе турист маршрутлашке пуртен кертыт. Марий Эл Правительствын пунчалже дене Килемар районышто верланыше республике кӱкшытан «Пошкит Куп» комплексный пӱртӱс памятникым ыштыме. Ятыр куп памятник дене таҥастарымаште, тыште, Арде села воктене, Юл эҥерын акрет годсо лап верыштыже ойыртемалтше кушкыл да янлык илыман куп- влак аралалтыт. Тыгай куп- влак тӱшкам шке жапыштыже коштымо але Чебоксар вӱдаралтыш йымак каеныт. «Кугу Какшан» заповедникын шанче пӧлкаже 2008-ше ий гычак тиде купым шымлен. Нунылан марий университетын шанче пашаеҥже, верысе калык да тунемше-влак полшеныт. Тыге 526 гектар кумдыкышто Республикын Йошкар Книгашкыже пуртымо 20 утла кушкылым рашемдыме. Шуэн вашлиялтше 50 тӱрлӧ янлык, копшаҥге, кайык- влак илат. Южыжо лач тушто гына вашлиялтеш. Пошкит Куп тыгак мотор вершӧржо-влак денат ойыртемалтеш. Варарак тудо турист маршрутлашкат пурталт кертеш.

Прошлые выпуски