Пушымат шолыштыт

Йошкар-Ола гыч кок еҥ пуш деч посна кодын. Йошкар-Ола гыч 43 ияш ӱдырамаш 10 тӱжем теҥгеаш резине пушыжо йоммо нерген полицийыш увертарен. Пушыжо илыме пӧрт йымалсе сарайыште аралалтын. Тудын суражым пудыртен пуреныт. Вес шолыштмашыжым Килемар районышто регистрироватлыме. 62 ияш пӧръеҥ моторан пушыжым Юл эҥерысе ик отрошто 14-ше октябрьыште пижыктен коден. Вес кечын мийымекыже пушым муын огыл. Эҥгек 75 тӱжем теҥгеш шуын. Кокытшо шотыштат уголовный пашам тарватыме.

Прошлые выпуски