Чыкма ола воктене у причал лиеш

                Республикын транспорт министерствыже Козьмодемьянск воктене Юл эҥер серыште судовой причалын проектшым ышташ конкурсым увертарен. Кугыжаныш закупко сайтыште вераҥдыме йодмаш почеш, тӱҥалтыш акше 8 миллион теҥге лиеш. Тудо республикын да федерал бюджет гыч ойыралтеш. Аукционышто сеҥыше ямдылыме документшым шушаш ийын 30-шо июнь марте ончыктышаш. Причалын проектыштыже  йолын пурымо-лекме вер, изирак вучымо зал, ограждений, тул волгыдо, теҥгыл- влак лийшаш улыт.

Прошлые выпуски