Тиде гана 10 автомобильым арестоватлыме

              Йошкар-Олаште суд-пристав- влак 10 автомобильым арестоватленыт. Кодшо арнян нуно ГИБДД-н сотрудникше- влак дене пырля Йошкар-Олаште рейдым эртареныт. Мероприятийышке нуно «Дорожный пристав» аппаратно-программный комплекс дене лектыныт. Тиде гана тиде система парыман- влакын лӱмешышт регистрироватлыме 100 утла автомобильым пален налын. Эн ончыч суд пристав чарыме машинан водительыштлан вигак парымым тӱлаш темлат. Иканаште тӱлен ок керт гын, суд приставын автомобильым але моло погыжым арестоватлаш праваже уло. Мероприятий почеш 380 тӱжем теҥге утла парымым пӧртылтымӧ, 10 автомобильым арестоватлыме. Октябрь тӱҥалтышыште 13 машинам арестоватлыме ыле.

Прошлые выпуски