Пашадар шотышто парым пел миллион теҥгелан кушкын.
Марий Элыште ик тылзе жапыште пашадар шотышто парым пел миллион теҥгелан кушкын. Маристатын ончыктымыж почеш, пашадарым тӱлен шуктыдымо окса 8 миллионат 816 тӱжем теҥгеш шуын да ик тылзыште 573 тӱжем теҥгелан ешаралтын. Пашадарым шке жапыштыже 351 еҥ налын шуктен огыл. Пашадар шотышто эн кугу парым ял озанлыкыште тыршыше- влак ончылно погынен- тӱшка парым деч 41 утла процент. Медицина да социал пашаен- влаклан парым 30 процент. Панкрут радамыш лишемше организацийлаште тыршыше- влак ончылно парым икымше октябрьлан шотлымаште кок миллионат 700 тӱжем теҥге утла погынен. Тӱрлӧ кӱкшытан бюджет гыч оксам жапыштыже колтен шогымо.
