Республикым вуйлатыше ветераным муро дене саламлен

Республикым вуйлатыше ветераным муро дене саламлен
           Таче шкенжын 100 ияш лӱмгечыжым Кугу Ачамланде сарын ветеранже Алевтина Фёдоровна Черепанова палемда. Марий Элым вуйлатышын лӱмжӧ дене тудым салмалаш Правительстве председательын алмаштышыже Ольга Бадма-Халгаева миен. Юрий Зайцев тиде жапыште Алевтина Фёдоровналан телефон дене йыҥгыртен да шке тыланымашыжым каласен. Ветеран вуйлатышылан пырля муралташ темлен. Юрий Зайцев Алевтина Фёдоровнам поддрежатлен да «Не стареют душой ветераны» муро гыч ужашым муралтеныт. Алевтина Фёдоровна пошкудо кундемысе Санчурск районышто шочын. Шым класс деч вара изба-читальням, сар тӱҥалме ончыч клубым вуйлатен. 1942-шо ий апрельыште фронтышто лийын. 1945-ше ий кеҥежым мӧҥгыжӧ пӧртылын. Марлан лектын. Варарак марийже дене Йошкар-Олаш илаш кусненыт, кок эргым ончен куштеныт. Нуно вич уныкам пӧлекленыт.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски