Республикын ончыкылык бюджет проектшым публично колыштмаш эрта

                   Марий Эл Кугыжаныш Погын увертара: Республикын законжо дене келшышын, 2021-ше да ончыкылык 2022-шо 2023-шо ийлан республикын бюджетшын проектше шотышто публично колыштмаш заочный йӧн дене теҥгечысе кече гыч икымше декабрьын 16 шагат марте эртаралтеш. Тудо калыклан, массовый увер средствылан виш да раш лийже манын, калыкын шонымашыжым пален налаш да темлымаш- влакым ямдылашлан ышталтеш. Публично колыштмашке кундемыште илыше калык, республикым вуйлатыше- влак, депутат шамыч, исполнительный кучемын еҥже, мер ушем- влакын да тӱшка увер средствын еҥышт ушнен кертыт. Республикысе бюджетын проектшым Кугыжаныш Погынын сайтыштыже вераҥдыме. Темлымаш да замечаний- влакым Кугыжаныш Погынын электрон почтышкыжо колтыман.

Прошлые выпуски