Советский районысо Ӱшнур школышто тунемше- влак тунемме ийым у йоҥгыдо класслаште тӱҥалыныт

Советский районысо Ӱшнур школышто тунемше- влак тунемме ийым у йоҥгыдо класслаште тӱҥалыныт
          Советский районысо Ӱшнур школышто тунемше- влак тунемме ийым у йоҥгыдо класслаште тӱҥалыныт. Кодшо ийын Марий Элым вуйлатыше Юрий Зайцев выпускник- влаклан аттестатым кучыктымо годым южо предметым келгын тунемме калыкле школын зданийжым олмыкташ полшаш сӧрен ыле. Кок корпусшым капитально олмыкташ тений 65 миллион теҥгем колтымо ыле, 63 миллионжо- федерал бюджет гыч. Юрий Зайцевын кӱштымыжӧ почеш ик миллион теҥгем школ воктелсе кундемым тӱзланадараш ойырымо. Икымше сентябрьыште Марий Элым вуйлатыше тиде школыш йоча, ача-ава, туныктышо- влакым саламлаш да уэмдыме пӧлем- влакым ончалаш лӱмын миен. Ӱшнур школым вуйлатыше Валерий Галкин Юрий Зайцевлан тауштен да продлёнко кабинетым, марий йылме, ОБЖ, Химий-биологий пӧлемлам, актовый да спорт заллам, йоча инициативе кабинетым, медицина пункт ден кочмыверым ончыктен. Юрий Зайцев палемден: школ чынжымак вашалтын да чылалан у тунемме ийыште сеҥымаш- влакым тыланен.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски