Шушаш ийын Йошкар-Олаште йоча поликлиникым чоҥаш тӱҥалыт

Шушаш ийын Йошкар-Олаште йоча поликлиникым чоҥаш тӱҥалыт
            Шушаш ийын Йошкар-Олаште йоча поликлиникым чоҥаш тӱҥалыт. Кызыт Лелия Соколова лӱмеш Йошкар-Оласе кокымшо номеран йоча поликлиникын проектшым ямдылат. Тазалыкаралтыш министерствыште ушештарыме почеш, 90-шо ийлаште поликлинике Зарубин уремысе тошто зданий гыч Свердлов уремысе  ончычсо йоча сад верыш куснен. Тунам йоча шагал шочын, садыште вер ситен шоген. Но пытартыш лу ийыште у медицина йӧн- влакын кӱлешлыкышт палдырнен, поликлиникын пӧртшат тоштемын, йоча- влакат шукемыныт. Заведующий Светлана Александрован мутшо почеш, кызыт поликлинике 13 тӱжемат 500 ньогам обслуживатла. Поснак Фестиваль ден Касвел уремлаште шуко чоҥымылан кӧра, ньога- влакат шукемыныт. Кызыт 12 педиатрий участке пашам ышта, кажныштыже тӱжемат шӱдӧ- тӱжемат кок шӱдӧ йоча уло. Тидыже норматив деч шуко. Сандене Интеграл микрорайонышто поликлиникын у зданийжым почымылан кугу ӱшаным ыштат. Тушто кокымшо прививке кабинетым, эмлыме физкультура залым, тазалыкым пӧртылтышо эмлымаш пӧлкан кумдыкшым ешараш шонена, каласен заведующий. Йоча поликлинике ик сменыште 500 йочам ончаш келшыше лиеш. Тудым 2024-ше 2025-ше ийлаште нӧлташ тӱҥалыт. Проект да смета документацийым 15 миллион теҥгем палемдыме. 2024-ше ийыште пашам шукташ 181 миллион теҥге оксам палдемдыме.
Фото: Тазалыкаралтыш министерстве.

Прошлые выпуски