Республикысе эн сай студент-влак Марий Эл вуйлатышын стипендийжым налаш тӱҥалыт
Республикысе эн сай студент-влак Марий Эл вуйлатышын стипендийжым налаш тӱҥалыт.
Тыгай стипендийым сайын тунемше, мер пашаште чолгалыкым ончыктышо, шымлыме пашаште сеҥымашке шушо, олимпиада ден конкурслаште ойыртемалтше самырык еҥ-влак гына налын кертыт. Эше эртыше тунемме идалыкыште 50 процент оценкыштат «визытан» лийшаш. Аспирант-влакын шанче статьяшт, шке изобретенийышт лийшаш, тыгак нуно эксперимент пашашке ушышаш улыт.
2020-шо-2021-ше ийласе тунемме идалыкыште тыгай стипендийым 59 еҥ налаш тӱҥалеш.
Тышеч 28 ӱдыр-рвезыже профессиональный шинчымашым пога, 22 студент ден 9 аспирант кӱшыл тунемме тӧнежлаште тунемыт. Кыдалаш профессиональный шинчымашым налше-влаклан тӱжем 600 теҥгем, вузласе студент-влаклан 2 тӱжем 400 теҥгем, аспирант-шамычлан 3 тӱжемым ешарен тӱлат.
