Республикысе кӱшыл тунемме тӧнежлаште 17 тӱжем утла еҥ тунемеш

                    Республикысе кӱшыл тунемме тӧнежлаште 17 тӱжем утла еҥ тунемеш. Российысе туныктыш да шанче министерствын ончыктымыж почеш, 2019-ше-2020-шо тунемме идалыкын тӱналтышыжлан Марий Элысе кыдалаш профессионал туныктыш системыш 30 тунемме тӧнеж пурен. Тидыже 20 ий ончычсо деч 16 органиазцийлан шукырак. Студент- влакын чотышт тунам 15 тӱжемат 500 еҥ лийын. Тушечын  кок тӱжемат 200 еҥже квалификациян пашазе да служащийлан тунемын. Коло ий ончычсо дене танастарымаште, пашазе да служащийлан тунемше- влакын чотышт куд пачаш шагалемын. Тыгай специальностьым 70 процентше рвезе- влак, 30 наре процентше ӱдыр- влак налыт. Кӱшыл школыш республикыштына кум вуз пура. 20 ий ожно 7 лийын. 19-ше-20-шо тунемме ий тӱҥалтышлан бакалавриат, специалитет да магистратурышто тунемше студент- влакын чотышт 17 тӱжемат 300 еҥ лийын. Кӱшыл шинчымашым налше- влак коклаште ӱдыр-шамыч шукырак улыт. Российысе студент- влакын кечышт 2005-ше ий годсек 25-ше январьыште Россий Президентын Указше почеш палемдалтеш.

Прошлые выпуски