Республикысе ныл илемыште турист теплоход- влаклан причалым чоҥат
Республикысе ныл илемыште турист теплоход- влаклан причалым чоҥат. Марий Элыште эҥерысе турист инфраструктурым палынак кумдаҥдаш шонат. Сенатор Константин Косачёвын мутшо почеш ныл илемыште Юл эҥер серыште у причал пырдыж- влак чоҥалтшаш улыт. Нине объект- влак Юриныште, Кокшайскыште, Звениговышто да Волжскышто лийыт. Кызыт Юл эҥерын 70 меҥге кужытыштыжо республике кӧргыштӧ ик причал гына- Козьмодемьянскыште пашам ышта. Ешартыш ныл причалым чоҥымаш турист судно- влаклан регионыш утларак толаш йӧным пуа. Кызыт Юрино ден Кокшайскысе причаллан проект документацийым ямдылаш тӱҥалме. Республикыште турист отрасльым вияҥдымаште кӱлешан ошкыл семын «Водоход» компаний ден Республикысе спорт-туризм министерстве коклаште вашкыл нерген соглашенийым ыштымым шотлыман.
