Республикысе «Шарнымаш книга» да «Нуно Шочмо элым араленыт» савыктыш- влакын пашаче группыштым вуйлатыше илыш дене чеверласен

Республикысе  «Шарнымаш книга» да «Нуно Шочмо элым араленыт» савыктыш- влакын пашаче группыштым вуйлатыше илыш дене чеверласен
           Ойгандарыше увер. 7-ше июльышто Марий Эл да Россий Федераций тӱвыран сулло пашаеҥже, Марий Эл Кугыжаныш Премийын лауреатше Василий Иванович Иванов илыш дене чеверласен. Тудлан шке чаманымашыштым Марий Элым вуйлатыше, Правительствым вуйлатыше Юрий Зайцев, Правительствын еҥже- влак каласеныт.
            Василий Иванович 1932-шо ий 7-ше декабрьыште Морко районысо Руш-Родо ялыште шочын. Тудо Морко педучилищым, Крупская лӱмеш марий педагогик институтым тунем пытарен, Горький кӱшыл партшколышто тунемын. Районысо школым вуйлатен, Районысо КПСС комитетыште пӧлкам вуйлатен, кокымшо секретарь лийын. Политпросвещений пӧртыштӧ консультантлан ыштен.
             1992-шо ий гыч республикысе икмыняр книга дене лекше республикысе  «Шарнымаш книга» да «Нуно Шочмо элым араленыт» савыктыш- влакын пашаче группыштым вуйлатен. Нине книгаште биографий справкыла гоч Кугу Ачамланде сарын историйжым ончыктымо.
               Ме Василий Ивановичым шке пашаштыже профессионал семын шарнаш тӱналына. Поро шарнымаш тудым палыше кажне еҥын шӱмыштыжӧ илаш тӱҥалеш. Василий Ивановичын родо-шочшыжо да лишыл еҥже- влаклан чаманымашнам каласена,- возымо Республикым вуйлатыше да Марий Эл Правительствын лӱмышт дене колтымо некрологышто.

Прошлые выпуски