Эрла Элыштына «Еш, йӧратымаш да ӱшанле улмо кече» палемдалтеш

Эрла Элыштына «Еш, йӧратымаш да ӱшанле улмо кече» палемдалтеш
                Эрла Элыштына «Еш, йӧратымаш да ӱшанле улмо кече» палемдалтеш. Республикысе калыкым тиде пайрем дене Марий Элым вуйлатыше Юрий Зайцев саламла. Еш, икте весе верч тургыжланымаш, вашла пагалымаш, келшымаш да йӧратымаш- тиде кажне айдемын илышыштыже эн кӱлешан. Шочмо суртын шокшыжым да лишыл еҥ- влакын полышыштым нимо денат вашталташ ок лий. Мемнан элыште еш поянлыкым аралымаш- тиде кугыжанышын приоритетше. Президент Владимир Путин палемден: Кугыжанышын чыла социал политикыже еш да тудын интересше йыр чоҥалтшаш. Марий Элыште ешлан полшымо у мера- влакым ыштыме: вуз ден техникумлаште тунеммылан компенсаций, шуко шочшан еш- влаклан регионысо ава капитал, шочшо аза- влаклан пӧлек да моло социал инициативе-  влак. Тидат куандара: Пӱтынь Российысе семынак Марий Элыштат пеҥгыде, икоян еш- влакын чотышт кушкеш. Нуно шӱм-чон йӱлам аралат, йоча- влакым шочмо элым йӧраташ туныктат, кӱлеш уш-акыл поянлыкым пуэн толыт. Республикын Правительствыже ончыкыжымат шуко шочшан да самырык, ачамландым аралышын ешыштлан полшен шогаш тӱҥалеш,- каласен Юрий Зайцев шке саламлымашыштыже.
           Фото: Архив.

Прошлые выпуски