Тений республикыштына индивидуал программе кышкарыште 20 инвестпроектым шыҥдарыме лиеш

Тений республикыштына индивидуал программе кышкарыште 20 инвестпроектым шыҥдарыме лиеш
               Тений республикыштына индивидуал программе кышкарыште 20 инвестпроектым шыҥдарыме лиеш Правительстве вуйлатышын икымше алмаштышыже Дмитрий Троицкий видеоконференцкыл йӧн дене республикым 2025-ше 2030-шо ийлаште  социал-экономик велым вияҥдыме индивидуал программым шыҥдарыме нерген увертарен. Совещанийым Российын экономически вияҥмаш министржын алмаштышыже Святослав Сорокин эртарен. Программын у йыжыҥжым тений шыҥдарымаште Республикын сеҥымашыжым палемдыме. Таче кечылан инвестор- влаклан льготан займым пуашлан промышленностьым вияҥдыме регионысо фондым да инвестиций вияҥмаш фондым 764 миллион теҥгелан пойдарыме. Тымарте куд инвестпроект 457 миллион теҥгелан полышым налын. Ял озанлык продукцийым лукмашым кумылаҥдаш, турист потенциалым вияҥдаш палемдыме. Мероприятий план почеш тений 20 инвестпроектлан полшаш, 92 деч шагал огыл у пашаверым почаш,  ик миллиардат 400 миллион теҥге бюджетдыме инвестицийым кондаш, чыла кӱкшытан бюджетыш 0,4 миллиард теҥге налог оксам кусараш палемдыме.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски